На 29 август почнуваат Параолимпските игри во Лондон

На оваа Олимпијада ќе учествуваат 4.200 спортисти од целиот свет, а почнуваат на 29 август со свечено отворање и ќе траат до 9 септември

Параолимписките игри во Лондон почнуваат на 29 август со свечено отворање и ќе траат до 9 септември.

Овие Игри ќе се одржуваат на истите терени од штотуку завршената летна Олимпијада, во оние спортови во кои се натпреваруваат параолимпијците. На оваа Олимпијада ќе учествуваат 4.200 спортисти од целиот свет.

Веднаш по завршувањето на синоќешната церемонија на затворањето на 30. Игри, почнаа последните подготовки за следното големо олимписко натпреварување. Работниците не беа вклучени само во преуредувањето на главниот олимписки стадион, туку и на потребните спортски објекти и терени и во чистењето на Олимпиското село, каде досега престојуваа преку десет илјади спортиси од 204 земји и територии.

Олимпискиот парк одново ќе се преудредува по завршвањето на Параолимписките игри, кога ќе се демонтираат објектите и салите што нема да бидат потребни и нема да се користат понатаму. Меѓу нив се салата за кошарка и терените за хокеј на трева и за трки со велосипеди, а се` уште не е одлучено кому ќе му припадне главниот олимписки стадион, околу кој се води „битка“ меѓу двата лондонски фудбалски клуба „Тотенхем“ и „Вест Хем Јунајтед“.

Целиот Олимписки парк по завршувањето на двете олимпијади, ќе се преименува во парк „Кралица Елизабета“, а прв пат ќе им биде предаден на користење на лондочани на 27 јули 2013 година, на годишната од свеченото отворање на летната Олимпијада.

Претседателот на Организацискиот комитет на Игрите, лорд Себастијан Коу изјави денеска дека во иднина на Лондон нема да му бидат потребни терените за 17 олимписки спортови, но нагласи дека сите други објекти и сето она што беше изградено и направено за двете олимпијади останува како трајно наследство.