Започна новата фудбалска сезона во Македонија

Во премиерната средба во Првата лига, Ренова и Напредок одиграа без победник 1:1

Со натпреварот Ренова – Напредок, попладнево стартуваше 21-виот фудбалски шампионат на Македонија.

Во премиерната средба во Првата лига, Ренова и Напредок одиграа без победник 1:1. Сашко Пандев во 20-тата минута и донесе предност на домашната екипа, која пет минути подоцна со гол за Напредок ја анулира Игор Клечкароски, за конечни 1:1.

Утре на програмата се преостанатите пет натпревари од 1.коло. Во терминот од 17 часот, ќе започнат натпреварите меѓу: Силекс – Металург, Тетекс – Хоризонт Турнови, Дрита –Брегалница и Пелистер – Шкендија, додека средбата Вардар – Работнички ќе почне во вечерниот термин од 20 часот.