Неуспешни над 35 отсто од електронските аукции

Повеќе од 35 отсто од закажаните електронски аукции биле неуспешни, констатира вчера Центарот за граѓански комуникации. Според извештајот за вториот квартал од годинава, расте вредноста на договорите склучени преку постапки со преговарање без претходно објавување оглас, односно договарање во четири очи. Вкупната сума пари доделена преку овие постапки изнесува 11,8 милиони евра или речиси 200 милиони евра, што е за 26 отсто повеќе од истиот период лани. Во извештајот се посочува дека македонските стопанственици покажале анемичност на онлајн-тендерите кои од почетокот на годинава се објавуваат електронски. Кај повеќето од нив не постоеле услови за закажување е-аукција бидејќи била доставена по една понуда или само една ги исполнувала критериумите за квалификација. Во значаен дел од мониторираните тендери на фирмите им се барале годишни приходи кои се од 10 до 27 пати поголеми од вредноста на набавката, се констатира во Извештајот. (Ек.Р.)