(ФОТО) Црвенковски и Тачи договорија техничка соработка



Црвенковски и Тачи најавија меѓусебна поддршка за локалните избори. Не се работи за „непринципиелна коалиција“, туку за „нов квалитет на демократијата“, беше речено во Тетово

ФОТО: Петр Стојановски

Лидерите на СДСМ Бранко Црвенковски и на ДПА Мендух Тачи најавија меѓусебна поддршка за локалните избори. Не се работи за „непринципиелна коалиција“, туку за „нов квалитет на демократијата“, беше речено во Тетово.

Ова е епилогот од средбата на првите луѓе на СДСМ и ДПА, која се одржа денеска на половина пат помеѓу Скопје и Тетово, во просториите на бензинската пумпа на „Петрол" и предизвика голем интерес кај населението и медиумите.

- И покрај сите разлики кои главно се однесуваат на меѓуетничките односи и Охридскиот рамковен договор, се обединува против актуелната власт по три точки, катастрофалната економска состојба, блокираните европски и евроатлански интеграции и нарушената демократија, потенцираше Црвенковски по денешната средба со Тачи.

Лидерот на ДПА изјави дека народот ќе го даде својот глас за оваа коалиција.

- Можеби оваа соработка ја исплаши Владата, ама ќе ја поздрават Албанците бидејќи се договараме и понатаму ќе се договараме транспаретно, потенцираше Тачи.

Од СДСМ и ДПА изјавија дека денеска треба да се договорат за составотна преговарачките тимови кои ќе имаат задача да ја договорат во детали соработката на терен, во сите општини низ Македонија.