17.07.2012, 14:44 „Бунарџик“ меѓу 50-те најдобри слободни зони во светот
Технолошко- индустриско развојната зона „Бунарџик“ е на 47 место слободни зони во светот според рангирањето што го спроведе „Фајненшал Тајмс“, преку своето издание „ФДИ Интелиџенс“, магазин кој е специјализиран за странски директни инвестии и кој им дава препораки на инвеститорите кои се најповолни дестинации за инвестирање во светот.
Во истражувањето на „Фајненшал Тајмс“ биле поканети преку 600 слободни зони од 120 држави во светот да потполнат анкета која бара квалитативни и квантитативни податоци за слободните економски зони. Потребните информации биле поделени во пет области: погодности на работењето, изградени објекти, инфраструктура, економичност во работењето, транспортни врска и промоција на зоната.
На листата 50 најатрактивни места за инвестирање во светот, 23 се од подрачјата на Обединетите Арапски Емирати, четири од Полска, три од Летонија, две од Србија и по една од Русија, Хрватска, Македонија и Англија.
На прво место на оваа листа се најде зоната „Дафза“, слободната зона до аеродромот во Дубаи, Обединетите Арапски Емирати. Основана во 1996 година, оваа зона важи за најбрзо растечка слободна зона на Средниот исток. На второт место е зоната „Интернационален финансиски центар“ исто така во Дубаи. Третото место и припадна на кинеската зона „ВФТЗ“, која во првото рангирање (2010/11) беше на првото место. (Ек.Р.)
|
