Заменик-генералниот секретар на НАТО во посета на Македонија

Ова е прва посета на Вершбоу по стапување на функцијата во февруари годинава

Заменик генералниот секретар на НАТО, Александер Вершбоу, денеска ќе престојува во еднодневна посета на Република Македонија.

Ова е прва посета на Вершбоу на Македонија по стапување на функцијата во НАТО во февруари годинава.

Предвидено е амбасадорот Вершбоу да биде примен од премиерот Никола Груевски, како и да има средби со министерот за надворешни работи, Никола Попоски и министерот за одбрана Фатмир Бесими.

Се очекува на средбите да стане збор за актуелните односи меѓу Република Македонија и НАТО, имплементацијата на целите и активностите во Годишната национална програма за членство на Република Македонија во НАТО, со посебен акцент на перспективите за што побрзо зачленување на нашата земја во Алијансата.