Cончево со мала до умерена oблачност

Времето во Македонија ќе биде сончево и свежо со мала до умерена локална облачност. Ќе дува умерен, а долж Повардарието на моменти засилен северен ветер, особено претпладне.

Утринската температура ќе се движи од девет до 16, а дневната од 25 до 32 степени.

Во Скопје слично време, со температура до 30 степени.

Вредноста на УВ-индексот ќе изнесува 8.

До недела ќе се задржи стабилно и суво време,а во време на викендот повторно ќе биде многу топло со температура од 32 до 39 степени. Во недела попладне и во почетокот на наредната недела ќе настапи дестабилизирање на времето со можност за дожд и грмежи.

Сообраќајот на сите магистрални и регионални патни правци низ државата утринава се одвива нормално по суви и чисти коловози.

На патниот правец Гостивар - Охрид од 1 јули до 31 август, тешките товарни возила со над 7,5 тони вкупна маса имаат забрана за движење секој петок од 15:00 - 24:00 часот и секоја сабота и недела од 07:00 - 24:00 часот. Ова ограничување не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока.

Интензитетот на сообраќај на патните правци надвор од градските средини е зголемен.

На граничните премини има зголемена фреквенција на возила, но нема подолги задржувања за влез и излез од државата. Напомена дека оваа информација се однесува само за македонскиот дел од премините.