20.07.2012, 16:45 Олимпискиот тениски турнир без Надал
Шпанецот, изненадувачки, потврди дека нема да учествува на ОИ 2012 бидејќи не е физички подготвен
Шпанија остана без една од најголемите свои ѕвезди на олимписките игри во Лондон. Рафаел Надал, изненадувачки, потврди дека нема да учествува на ОИ 2012 бидејќи не е физички подготвен.
„Не сум во најдобра состојба да настапам во Лондон и поради тоа нема да патувам со експедицијата на Шпанија. Мора да мислам на мојата екипа и не смеам да бидам егоист. Мора да отстапам место на колега кој е поподготвен од мене. Ова е еден од најтажните моменти во мојата кариера“, рече Надал, трет светски рекет, кој требаше да го носи знамето на Шпанија на дефилето при свеченото отворање на Игрите.
|
