17.07.2012, 15:52 Комплетот билети за ЕП во Србија од 13 до 172 евра
Ракометниот сојуз на Србија ги соопшти цените за влезниците за Европското првенство за жени што ќе се одржи во декември оваа година
Комплетот за целата прелиминарна фаза ќе чини од 1.500 динари до 12.000 динари или од околу 13 евра до 104 евра. Билетите за втората фаза на шампионатот ќе се продаваат од 2.000 динари до 18.000 динари или преведено во евра од 17,2 до 155. Парчето хартија за нокаут-фазата (полуфинале, финале и меч за трето место) вреди од 2.500 динари до 20.000 динари или од 21,5 евро до 172,4 евра.
Европското првенство ќе се одржи од 4 до 16 декември. Натпреварите ќе се играат во четири града - Белград, Нови Сад, Вршац и Ниш. Во него ќе учествува и репрезентацијата на Македонија која ќе игра во групата Б (Ниш) заедно со Шведска, Франција и Данска. Групата А ја сочинуваат Норвешка, Украина, Србија и Чешка, во групата Ц ќе се пресметаат Хрватска, Германија, Унгарија и Шпанија и во групата Д ждрепката ги смести Романија, Црна Гора, Русија и Исланд.
|
