Ибрахимовиќ потпиша за Пари Сен Жермен

Се шпекулира дека Швеѓанецот ќе има годишна плата од 13 милиони евра

Пари Сен Жермен го реализираше најзначајниот трансфер во летниот преоден рок, откако Златан Ибрахимовиќ се согласи да го облече дресот на овој клуб.

Оваа информацијата за трансферот ја соопшти, спортскиот директор на клубот.

- Ибрахимовиќ е наш. Може да започне да ја испишува нашата историја, изјави Леонардо.

Ибрахимовиќ потпишал тригодишен договор, а деталите од трансферот официјално ќе бидат објавени во среда, се шпекулира дека Швеѓанецот ќе има годишна плата од 13 милиони евра.

Ибрахимовиќ е веќе во Париз, денеска треба да ги мине лекарските прегледи, а потоа во 15 часот да се појави на закажаната прес-конференција.