Олимпискиот факел од утре во Лондон

Факелот утре со хеликоптер ќе биде спуштен со јаже до „Тауер Бриџ“



Лондон конечно ќе го добие вистинскиот изглед на град-домаќин на олимписки Игри. По долгото патешествие утре со хеликоптер ќе пристигне олимпискиот факел што ќе биде спуштен со јаже до „Тауер Бриџ“.

„Факелот ќе биде спуштен на спектакуларен начин, а потоа една недела ќе ги обиколува најзначајните места во градот“, изјави организаторката на штафетното носење на факелот „Лондон 2012“, Дебора Хејл.

Патувањето кон олимпискиот стадион факелот ќе го продолжи од Гринич Парк, а ќе го носи пливачката Наташа Синха. Последната седмица ќе го носат 982 лица до местото на церемонијалното палење на пламенот на Олимпискиот стадион во Стратфорд.

Според информациите на организаторот, од 18 мај кога факелот тргна од Атина за неговиот пренос биле задолжени девет милиони луѓе. Останува тајна кој ќе биде последниот член на штафетата и како тој ќе го запали олимпискиот пламен.

На претходните Олимписки игри последни носители беа: гимнастичарот Нинг Ли (Пекинг 2008), кајакарот Николасос Какламанакис (Атина 2004), атлетичарката Кетрин Фримен (Сиднеј 2000), боксерот Мухамед Али (Атина 1996) и параолимпијецот Антонио Реболјо (Барселона 1992).