20.07.2012, 16:43 Масовни протести и судири во Шпанија
Стотици илјади луѓе излегоа на улиците на 80 шпански градови за да протестираат против последните владини мерки за штедење, соопштија светските агенции.
Владеачката Народна партија го искористи своето мнозинство во парламентот за да ги истурка мерките, кои вклучуваат зголемување на даноците и намалување на платите.
Демонстрантите се собраа на главниот мадридски плоштад „Пуерта дел сол“ и пред парламентот, каде полицијата беше распореди значителни сили и постави барикади како мерка на претопазливост во случај на појава на насилство.
Меѓутоа изби насилство и дваесет и шест лица беа повредени во судирите меѓу полицијата и демонстрантите во Мадрид.
Судирите избивнаа пред парламентот, откако групата демонстранти се обиде да ги мине оградите поставени од органите на редот.
Уапсени се шестмина демонстранти. Меѓу повредените има еден полицаец.
Масовни протести имаше, исто така и во Барселона и Билбао.
Според весникот „Паис“, во демонстрациите во Мадрид учествувале над 100.000 лица.
Шпанија ја преживува втората рецесија во последните три години и има опасност да западне во ситуација да и биде потребно спасување, слично на Грција, Ирска и Португалија. |
