„Дежа ву“доби Гран при на „Панфиз 2012“

Претставата „Дежа ву“, во изведба на визуелниот театар на „Бодекер и Неандер“ од Берлин, е добитник на наградата „Гран При“ на годинешното, петто издание на „Панфиз“- фестивалот за пантомима и физички театар. Наградата ја додели жирито во состав : Ѕвезда Анѓеловска, актерка и режисерка, Дарко Велјиќ, актер и пантомимчар и драматургот Дарко Спасов.

Фестивалот заврши во саботата, со претставата „Колекционер“, на гостите од „М студио“ театарот од Романија, а беше одржан во копродукција меѓу независните театари „Страница“ и „Театар 007“ од Скопје, со поддршка на Министерството за култура, МНТ и Универзална сала. (К.Р.)