23.07.2012, 11:41 САД ја победија Аргентина во подготвителен дуел за ЛОИ
Најефикасен играч во победничката репрезентација, а воедно и на натпреварот беше Кевин Дјурант со 27 постигнати поени
Кошаркарската репрезентација на САД која важи за најголем фаворит за освојување на златото на Олимписките игри, синоќа во пријателски натпревар ја победи Аргентина со 86:80. Резултатот по четвртини беше: 31:16; 16:24; 25:21 и 14:19.
Најефикасен играч во победничката репрезентација, а воедно и на натпреварот беше Кевин Дјурант со 27 постигнати поени. Двоцифрен број поени кај Американците постигнаа уште Коби Брајант 18, Леброн Џејмс 15 и Расел Вестбрук 13 поени.
Кај Аргентинците Емануел Џинобиле беше најефикасен со 23 поени, Карлос Делфино постигна 15, а Луис Скола 14.
Подготвителниот натпревар за настап на Олимпијадата, одигран во арената „Сент Жорди“ во Барселона го следеа околу 11 илјади гледачи.
|
