12.11.2012, 15:12 Меси пред Пеле по број на голови во една година
Со двата погодока против Мајорка (4:2), Аргентинецот стигна до бројката од 76 постигнати голови во 2012
Ѕвездата на Барселона, Лионел Меси го престигна легендарниот Пеле по бројот на постигнати голови во тек на една календарска година.
Еден од најдобрите фудбалери на денешницата двапати стрелаше во првенствената победа на Каталонците против Мајорка (4:2) и досега постигна 15 голови оваа сезона, а вкупно 76 во 2012 година - еден повеќе од Пеле, кој во 1959 година ја затресе противничката мрежа 75 пати.
Во 1959 година, Пеле постигнал 66 голови за Сантос и девет за репрезентацијата на Бразил.
Меси досега постигна 64 голови за Барселона и 12 за државниот тим на Аргентина.
Пред Меси на вечната листа на „голгетери“ во една календарска година засега е само Герд Милер кој во 1972 година постигна 85 голови.
|
