ХЕЦ „Тиквеш“ годинава произвела 94 милиони киловат-часови електрична енергија

Хидроелектричната централа „Тиквеш“ годинава има произведено 94 милиони киловат-часови електрична енергија и покрај лошата хридролошка состојба, информираа денеска од АД ЕЛЕМ.

„Засега планот за производство на електрична енергија е реализиран со 72 проценти, но постојат реални шанси да се оствари планираното производство на електрична енергија од 131 милиони киловат-часови. АД ЕЛЕМ во континуитет врши оптимизација и координација на производството во согласност со хидролошката состојба. Доколку во наредниот период се подобри хидрологијата, веројатно годишниот план од овој капацитет ќе биде целосно испол��ет“, изјави вчера портпаролот на ЕЛЕМ Мирче Котевски. Во моментов, според водниот потенцијал на вештачката акумулација „Тиквешко Езеро“ имало резерва за производство на уште 25 милиони киловат-часови електрична енергија.

Од ЕЛЕМ велат дека ХЕЦ „Тиквеш“ во текот на годината ги извршила сите планирани ремонтни активности и хидроелектраната е во одлична техничка кондиција. (Ек.Р.)