13.11.2012, 14:22 Ослободување од над 400 предмети за клевета
Основниот суд Скопје 1 ќе ја запре постапката за над четиристотини предмети за клевета и навреда, што чекаат на пресудување во најголемиот суд во државата. Тоа е речиси две третини од вкупниот број судски предмети во државава (700) за овој вид кривични дела,од кои најголемиот дел се однесуваат на новинари.
Како што објаснуваат од Канцеларијата на Кривичниот суд,се чека објавувањето на Законот за граѓанска одговорност донесен пред два дена и по стапувањето на сила на новата законска рамка, ќе се донесат решенија за запирање на постапките и за упатување во надлежен суд.
Во моментов, на овој вид предмети работат 32 судии, кои во просек имаат меѓу 12 и 15 предмети за навреда и клевета.
Што се однесува до правосилните судски пресуди,кои чекаат на извршување, од скопска единица дополнително ќе заземат став како да постапат. (Г.Д)
|
