Кожув декласиран во Самоков



На гостувањето во Бугарија избраниците на Марјан Србиновски беа поразени со убедливи 75:56

Екипата на Кожув не успеа да го добие реванш мечот со бугарскиот тим на Рилски Спортист. На гостувањето во Самоков избраниците на Марјан Србиновски беа поразени со убедливи 75:56.

Нашиот преставник во БИБЛ лигата средбата ја одигра со голем број на грешки, како и слаба реализација од поле што пак беше доволна причина за да го запише третиот пораз во ова натпреварување.

Сем почетните 2-0, Кожув не успеа да дојде до водство на мечот, а по првите 20 минути имаше негатива од шест поени (38:32). Последните две четвртини целосно му припаднаа на домашниот тим.

Слободан Божовиќ со 13 поени, пет скока и четири асистенции беше најефикасен во таборот на гевгеличани, покрај него до двоцифрен број поени дојдоа Штерјов и Филиповиќ со по 10 поени.

Нареден противник на Кожув е екипата на КК Београд со кого играат на 21 овој месец на домашен терен. (М.К.)