(ФОТО) Награди за најдобрите архитектонски решенија



Авторите на деловниот објект „Брути“, архитектите од проектантското биро „Инженеринг импекс СА“, Мишо Арсов, Аднан Сарачини и Игор Димов, ја добија главната награда за архитектура на градот

Музејот на Град Скопје вчера беше домаќин на традиционалната манифестација „Архитектура Скопје 2012“, на која беа доделени признанијата на авторите на најдобрите архитектонски решенија во оваа година.

Пофалници за придонес во градската архитектура добија и авторите на деловниот објект АД „Осигурителна полиса“, Сања Раѓеновиќ и Ненад Раѓеновиќ, како и авторите на ТЦ „Скопје сити мол“, Грегори Ибнез, Звонко Тасевски и Крсте Петров од ДСЦ „Дизајн“. Организаторите на АСК сметаат дека манифестацијата има интенција да обедини креативен потенцијал на авторите-урбанисти, архитектите, градежниците и сите што учествуваат во изградбата на Скопје.

„Селектираните 18 труда од 11 автори, имајќи ги предвид современите текови во архитектурата, претставуваат реалност за оформување современо и препознатливо Скопје“, вели Аљоша Шопар, селектор на „АСК 2012“. (Б.Ш.)