Автомобил излета, загина 21-годишен возач

Лазе Т. (21) од валандовското село Грчиште загина во сообраќајна несреќа што се случи во саботата околу 13,45 часот на локалниот пат меѓу Марвинци и Грчиште. Според полицијата, 21-годишното момче изгубило контрола врз автомобилот „сеат теледо“ што го управувало, излетале од патот, паднале во амбис и удриле во дрво. Возачот и две сопатнички на возраст од 18, односно 19 години, се здобиле со тешки повреди и итно биле пренесени во гевгелиската болница каде што Лазе им подлегнал на повредите. Двете девојки се префрлени во Клиничкиот центар во Скопје. Надлежните извршија увид и ги истражуваат причините за несреќата. (Г.А.)