|
17.11.2012, 11:51 Пападакис: Грчкиот меморандум е очаен обид за глумење конструктивност
Грчкиот аналитичар и новинар вели дека Европската комисија сака да ги почне преговорите со Македонија за членство во Eвропската унија и тоа се обидува да го стори на разни начини
Европската комисија сака да ги почне преговорите со Македонија за членство во Eвропската унија и тоа се обидува да го стори на разни начини, вели Јоргос Пападакис, грчки аналитичар и новинар во интервју за еВести.
Тој вели дека поради лошата позиција во која се наоѓа, Грција сека да глуми конструктивна страна во спорот за името.
- Грција предложи и меморандум за разбирање, но станува збор за еден очаен обид на грчката страна да глуми конструктивност. Такви патетични методи не носат ништо повеќе освен иронична насмевка од страна на меѓународната заедница. Сите веќе разбираат кој сака, а кој не да го реши проблемот за името, сигурно е дека грчката страна тоа не го сака, вели Пападакис.
Според него во меморандумот има обврски само кон Македонија од која се бара да прифати име ерга-омнес, но не и за Грција и покрај пресудата на Меѓународниот суд на правдата во Хаг која е во корист на Македонија. Пападакис вели дека Макеоднија добро одговорила на „смешниот тест меморандум“ - со многу зборови за добра волја и со генерални принципи.
Сепак, Пападакис вели дека се може да се очекува во декември кога Македонија чека датум за преговори.
- Сигурно е дека Грција бара изговори за да може повторно да го блокира почетокот на преговорите. Меморандумот беше наменет на Грците да им се даде уште една можност и причина за да покажат дека прават нешто, дека Македонија е таа што одбива. Прашање е колку ќе им успее оваа тактика. Ќе видиме во декември, но веќе ви реков сите во Брисел разбираат многу кој тука глуми конструктивност. Јас сакам да верувам дека Македонија има шанси да добие согласност од сите 27 членки на ЕУ за почеток на преговорите, вели грчкиот аналтичар во интервјуто за еВести.
|
|
|
|
Статијата е прочитана 1492 пати.
|
Испрати коментар
|
|
| pile, 17.11.2012 14:24:43 | | - Сигурно е дека Грција бара изговори за да може повторно да го блокира почетокот на преговорите.(J.P.)So memorandumot R.Grcija takticki i sinhronizirano so Ek rpestavuvana od G-din File ponudi predlog revizija na VS od 1995 godina.A takviot koordiniran atak so ponudeniot usloven pozitiven izvestaj na Ek za napredokot na R.Makedonija za resenie na sporot za imeto vo ,,rana faza,dokolku saka da dobie datum na samitot vo dekemvri, vrodi so alatka, predavnickiot odgovor od Vladata na Gruevski koja ima upotrebna vrednost za pravna blokada od strana na R.Grcija na patot na evrointegraciitn ea Drzjavata.Gruevski i timot okolu nego nesmeat nitu da gi spomnat t.n.crveni linii za ime so geogravska odrednica a ne pak da gi otfrlat provokaciite za resenie vo ,,rana faza sprotivni od odredbite vo VS od 1995 godina, a vo stav 7 od predavstvoto prekutno so nespomenuvanje a ne negiranje Vladata na R.M.se sodlasuva.Ili ima namera da ostavi nekoja druga Vlada da se soocuva so kreiraniot proble |
| | пријател, 17.11.2012 20:56:53 | | Зошто Утрински весник не го објави текстот на пресудата од Хаг?Таа не и`наметнува никакви обврски на Грција,само константира дека е прекршен чл.11 од ВС (во кој се кажува дека Грција нема да ја попречува нашата земја да како ФИРОМ бара членство во организации каде Грција е членка) и дека се одбива нашето барање на Грција да и`се забрани во иднина да не`попречува- И НИШТО ПОВЕЌЕ!Со пресудата од Хаг ниту се сака,ниту се може да се избрише обврската за нас која призлегува од Рез.817,а тоа е преку преговори со Грција да го решиме спорот околу името.Истата таа обврска е наведена и во ВС.Од друга страна,и самите званичници на НАТО и ЕУ кажаа дека нема да не` примат ни како ФИРОМ,така да чл.11 од ВС,на кој се однесува пресудата,го изгуби своето значење. |
|
|
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИE
 |
|
|
|
|
Време
|
Скопје, 5°C
Магла
|
Понеделник
Облачно
Макс: 13°C, Мин: 6°C
|
Вторник
Обилни врнежи
Макс: 12°C, Мин: 3°C
|
|
|
|
|
|
|
Фељтон
Јованка Броз - Титова Совладетелка (4)Хрушчов го викал Тито социјалистички цар. „Утрински весник“ специјално за своите читатели во целост ги објавува сите 50 продолженија на фељтонот „Јованка Броз-Титова совладетелка“ |
|
