Металург и Хоризонт ги поделија бодовите

Шкендија е непријатно изненадена, на домашен терен доживеа убедлив пораз од Брегалница (3:0)

Дербито во 15. коло во Првата македонска фудбалска лига заврши без победник. Екипите на Металург и Хоризонт Здравје повторно ги поделија бодовите, новата пресметка заврши со конечни 1:1.

„Турновци“ повторно на гостувањето во Железара ја имаа честа први да го отворат резултатот, но не и да го сочуваат до крај. Дејан Блажевски во 27. минута погоди за 1:0, но 13 минути подоцна со голот на Димовски Металург израмни на 1:1.

Изненадувањето на колото доаѓа од Тетово. Сосема неочекувано далеку по��илниот состав на Шкендија на домашен терен беше убедливо совладан од тимот на Брегалница со 3:0.

Херојот на гостинскиот тим се вика Митров, кој мечот го заврши со хет-трик. Првиот гол го постигна во деветтата минута, а потоа во второто полувреме во 68. и 72. минута ги осигура двата бода на Брегалница.

Работнички не го преживеа гостувањето во Битола каде што Пелистер со единствениот гол на Главевски во шестата минута славеше со 1:0.

Дрита иако не беше убедлива, сепак успеа да го искористи слабиот Тетекс, на домашен терен славеше со 1:0, а голот го постигна Алији во 25. минута.

Лидерот на табелата се решаваше вчера, Вардар на домашен терен го пречека тимот на Ренова. (М.К.)

Резултати: Пелистер - Работнички 1:0, Силекс - Напредок 0:2, Металург - Хоризонт Здравје 1:1, Дрита - Тетекс 1:0, Шкендија - Брегалница 0:3.

ТАБЕЛА

1. Хоризонт З. 15 8 6 1 20:11 30

2. Вардар 14 8 4 2 27:9 28

3. Шкендија 15 8 3 4 27:18 27

4. Напредок 15 8 2 5 18:14 26

5. Металург 15 7 3 5 17:13 24

6. Брегалница 15 7 2 6 18:12 23

7. Дрита 15 6 5 4 18:20 23

8. Работнички 15 5 2 8 19:25 17

9. Ренова 14 5 2 7 14:22 17

10. Пелистер 15 4 3 8 13:19 15

11. Силекс 15 3 3 9 12:22 12

12. Тетекс 15 1 3 11 6:24 6

Идно коло (25 ноември, 13 ч.): Брегалница - Металург, Напредок - Пелистер, Работнички - Шкендија, Ренова - Дрита, Тетекс - Силекс, Турново - Вардар.