Мечот и шлемот на Скендербег пристигнаа во Албанија

Во рамките на одблежувањето на 100-годишнината од независноста на Албанија, во пристанишниот град Драч, претпладенво пристигна оружјето на Скендербег.

Мечот и шлемот, кои се изложени во музејот во Виена, Австрија, со дозвола на австриските власти, по повеќе од четири века, ќе бидат исложени во музејот во Тирана. Албанските власти најавија силно обезбедување на изложените предмети.

Изложувањето на оружјето на Скендербег уследи по барањето на премиерот Сали Бериша до заменик-канцеларот и министер за надворешни работи на Австрија, Михаел Шпинделегер, на средбата остварена на Форумот „Кроатиа Самит 2012“ во Дубровник, во јули годинава.

Како што соопшти Владата во Тирана, Австрија ќе учествува и на одбележувањето на овој значаен историски настан за Албаницте, претставена на високо ниво, како потврда на пријателството и тесните врски меѓу двете земји и двата народа.

Главната манифестација на одбележувањето на 100-годишнината од незвисноста на Албанија ќе се одржи на 28 ноември во Тирана, откако во Валона на организираната свеченост ќе биде подигнато албанското национално знаме, како што тоа се случило пред еден век.