Иванов на конгресот „90 години Пан-Европа“ во Виена

Претседателот на Република Македонија, Ѓорге Иванов, денеска и утре ќе престојува во посета на Виена, Република Австрија, каде ќе учествува на конгресот „90 години Пан-Европа“, во организација на Меѓународната паневропска унија.

Претседателот Иванов ќе има обраќање на официјалното отворање на Конгресот, а во рамки на посетата ќе оствари повеќе средби, меѓу кои со претседателот на Република Австрија, Хајнц Фишер, со претседателот на Европскиот совет, Херман Ван Ромпуј, како и со претседателот на Меѓународната паневропска унија, Ален Тереноар.

Меѓународната паневропска унија се смета за ��ајстаро европско обединувачко движење, основано од страна на Ричард Куденхове Калерги, а нејзините членови се залагаат за политички и економски обединета Европа.