|
17.11.2012, 12:47 Книжевни признанија за авторите Христо Петрески и Васил Тоциновски
Наградите на меѓународниот фестивал „Пријатели на книгата“ кој синоќа беше отворен во Риека ги врачи претседателот на Хрватското книжевно друштво Валерио Орлиќ
Авторот Христо Петрески за романот „Лифтот (не) е за двајца“ е добитник на признанието „Књижевно перо“ за најдобра книга од странски автор меѓу два фестивали „Пријатели на книгата“ на Хрватското книжевно друштво.
На меѓународниот книжевен фестивал „Пријатели на книгата“ кој синоќа беше отворен во Риека за најдобра книга есеи беше прогласена „Мост од ѕуница“ од Васил Тоциновски.
Традиционалните годишни награди ги врачи претседателот на Хрватското книжевно друштво Валерио Орлиќ.
Романот „Лифтот (не) е за двајца“, според Орлиќ, е исклучително оригинално постмодернистичко дело во кое низ симболот (лифтот) на затвореноста и оттуѓеноста на човекот се проговорува за актуелностите и превртеноста на современоста. Тоа е дело со универзални и општочовечки димензии и пораки што не го остава читателот рамнодушен, а со убавиот стил и јазик се чита во еден здив, посочил претседателот.
За „Мост од ѕуница“ Орлиќ истакнал дека е дело во кое компаративно се проследуваат современите и актуелни автори, книги и појави по 25 од хрватската и од македонската книжевност во кои се преплетуваат одредени пораки од столетните хрватско-македонски книжевни и културни врски. Според него, таа взаемна книжевна комуникација што најуверливо се остваруваше во 19. и во првата половина на 20. век претставува непресушен инспиративен вруток.
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИE
 |
|
|
|
|
Време
|
Скопје, 10°C
Претежно облачно
|
Понеделник
Обилни врнежи
Макс: 12°C, Мин: 6°C
|
Вторник
Обилни врнежи
Макс: 12°C, Мин: 7°C
|
|
|
|
|
|
|
Фељтон
Јованка Броз – Титова Совладетелка (5)Владетелот и совладетелката често не беа на „иста бранова должина“.„Утрински весник“ специјално за своите читатели во целост ги објавува сите 50 продолженија на фељтонот „Јованка Броз-Титова совладетелка“ |
|
