Што јадев вчера - Лила Стојановска, водителка

Појадок - Штом ќе ги отворам очите, јадам банана и јаболко. Потоа мусли и обезмастен јогурт.

Освен што се вкусни, го продолжуваат животот и се многу здрави.

Изедете две-три јаболка дневно и нема да имате потреба од посета на кардиолог. Истражувањата покажуваат дека само со редовно консумирање јаболка се намалува ризикот од кардиоваскуларни болести. Исто така, јаболката го намалуваат и нивото на холестерол и триглицеридите. Иако ова овошје содржи повеќе влакна отколку сок, и едната и другата состојка позитивно влијаат на здравјето. Јаболкото е извор на катехин, супстанција која спречува настанување рак, а според некои истражувања особено се намалува ризикот од рак на бели дробови.

Ручек - Бело месо и црвена салата

Црвената е боја на љубовта, но и на добриот апетит. Црвените продукти треба да се земаат умерено, бидејќи поттикнуваат глад. Содржат многу витамини особено А и Ц кои заедно им помагаат на клетките да се регенерираат и да придонесат за јакнење на организмот. Бојата е црвена поради антоцијанити.

Овие супстанции имаат две важни функции: поттикнуваат производство на меланин, кој ја штити кожата и се спротивставува на слободните радикали, спречувајќи го забрзаното стареење на клетките. Доматот содржи околу 93% вода што значи дека воопшто не дебели. Богат е со витамини А и Ц. Маличната и лимонската киселина го потпомагаат метаболизмот и овој вкусен зеленчук содржи ликопен, силен антиоксиданс што го забавува стареењето. Пиперката го поттикнува апетитот и не е тешко варлива како што се мисли. Треба да се јаде често, особено црвената, која содржи многу повеќе витамин Ц за разлика од зелената и жолтата.

Вечера - Тестенини и салата. Пред спиење чаша какао

Какаото е основна состојка на чоколадото, богато со антиоксиданти и има многу калциум. Се препорачува почесто пиење, да е составен дел на секое јадење, бидејќи го стабилизира нивото на холестерол. Растителните компоненти на какаото спречуваат појава на рак.