10.05.2012, 15:52 Во Грција запален олимпискиот оган
Актерка, облечена како свештеничка го запали огнот користејќи огледало за привлекување на сончевите зраци
Во древната Олимпија, местото каде се одржаа првите Олимписки игри, денеска е запален Олимпискиот оган кој треба да помине пат од околу осум илјади милји за да стигне до Велика Британија, каде на 27 јули годинава ќе биде означен почетокот на Олимписките игри - Лондон 2012.
Актерка, облечена како свештеничка го запали огнот користејќи огледало за привлекување на сончевите зраци. Осум илјади лица ќе ја имаат можноста барем на кратко да го носат факелот на неговиот 70-дневен пат од Атина до Лондон.
На чинот на палење на огнот присуствуваше и претседателот на Меѓународниот Олимписки комитет Жак Рог кој од вчера стана почесен граѓанин на древна Олимпија.
Олимпискиот оган ќе им биде предаден на британските организатори на 17 мај на атинскиот стадион „Панатинаикос“, каде се одржале првите модерни Олимписки игри во 1896 година.
|
