Бејл во Барса за 40 милиони евра?



Шпанска Марка тврди дека Барселона постигнала договор со фудбалерот на Тотенхем, Герет Бејл

Барселона го договори трансферот на Герет Бејл. Велшанецот од идната сезона ќе настапува на „Ноу Камп“, а Каталонците ќе платат 40 милиони евра како обештетување на Тотенхем. Оваа вест ја објави телевизиската емисија „Фудбалерос“ која ја емитува ТВ „Марка“.

Барселона со ова го решава проблемот по левата страна, а се шпекулира дека Бејл ќе има годишна плата од 5 милиони евра. За Велшанецот заинтересирани беа Манчестер Сити и Челзи, но како што објави „Марка“ како победник излезе Барселона.

Останува во наредниот период да се потврди или демантира информацијата за евентуалниот трансфер на Бејл на Ноу Камп.

Каталонците пројавија интерес уште за Тиаго Силва, Жорди Алба, Робин ван Перси и Фернандо Љоренте.