10.05.2012, 13:05 Навардаускас нов лидер на Џиро
Доскорешниот лидер Тејлор Фини му ја препушти розовата маичка на Рамунас Навардаускас од Баракуда, чија екипа со вкупно време од 37:04 минути триумфира на тимскиот хронометар во Верона
Четвртата етапа од Џиро ди Италија ја донесе првата промена на челната позиција во севкупниот поредок. Доскорешниот лидер Тејлор Фини му ја препушти розовата маичка на Рамунас Навардаускас од Баракуда, чија екипа со вкупно време од 37:04 минути триумфира на тимскиот хронометар во Верона. За второто место, со заостанување од пет секунди, се изборија велосипедистите на Катуша, а третата позиција ја освои Астана со дополнителни 22 секунди во однос на победничкиот состав.
Во генералниот пласман Навардаускас, со вкупно време од 10:01,53 часа, има 10 секунди предност во однос на клупските колеги Тајлер Фарар и Роберт Хантер. Американецот Фини од БМЦ Рејсинг падна дури на петтата позиција со заостанување од 13 секунди зад водечкиот Литванец.
|
