11.05.2012, 13:54 Врзана, тепана, па оставена со рачна бомба
Караница меѓу двајца љубовници можела да заврши трагично. 38 годишната А.Ѓ од Скопје пријавила во полиција дека ја малтретирало нејзиното момче. А.Ѓ. тврди дека 51 - годишниот И.К со кого била во неколкумесечна врска и престојувала во неговата куќа во Козле цела ноќ ја малтретирал.
Кавгата започнала синоќа околу 23 часот. Прво вербално се расправале, по што партнерот и ги врзал рацете и нозете со селотејп лента и физички ја нападнал. Ја удирал со јаже по телото. Утрото го дочекала врзана. Некаде околу 8 часот И.К. си заминал, но претходно покрај неа оставил рачна бомба. Врзаната жена успеала некако да се ослободи. Се јавила во полиција. Бомбата не експлодирала. Полицајците дошле веднаш ја подигнале рачната бомба и го привеле И.К. во полициска станица. Од МВР велат случајот се расчистува по што ќе следи и соодветна пријава.
|
