10.05.2012, 12:27 Масакр во Дамаск - 40 загинати од бомби
Две експлозии го погодија главниот град на Сирија, Дамаск, убивајќи барем 40 и ранувајќи 170 лица во, како што пренесе сириската државна телевизија, „терористички бомбардирања„.
Снимката на сириската државна телевизија од експлозијата покажа масивно уништување во предградието Ал Казаз јужно од Дамаск, каде според она што се зборува имало воен разузнавачки комплекс.
Дамаск бил мета на неколку бомбардирања во последните месеци и тоа во тек на постојани анти-владини немири.
Последната смртоносна експлозија што се случи на 10 април резултираше со 10 мртви лица во самоубиствен бомбашки напад.
Раководителот на набљудувачката мисија на ОН во Сирија, Генерал мајор Роберт Муд го посети местото на кое се случија експлозиите.
Првата експлозија се с��учи набргу по 08.00 часот наутро (05:00 GMT) кога луѓето беа веќе упатени накај своите работните места.
На местото на бомбардирањата, автопатот е натрупан со извиткани метални парчиња од околу дузина уништени возила. Областа е натрупана со отпад. Експлозиите ја откорнаа фасадата на воената безбедбносна зграда и оставија два огромни кратери на големиот автопат.
Секој пат кога нешто ќе се случи во Сирија се јавуваат две приказни.
Лутите луѓе на местото на настанот ги обвинуваат Саудиска Арабија, Катар и Турција - земји кои се произнесоа со поддршка на сириската опозиција. Опозицијата, како и секогаш, наведува дека ова била цинично дело на самата влада во обид да се дискредитира опозицијата.
Кој и да е зад ова дело сакал да направи голема штета затоа што експлозијата се случила во текот на утринската гужва кога децата одат на училиште, кога луѓето влегуваат во ова воено одделение и кога луѓето со возилата одат на работа во Дамаск.
Првата екосплозија очигледно била насочена како напад на луѓето кои се наоѓале на лице местото, а втората експлозија следела веднаш по првата и била многу поголема експлозија, ББС дознава од новинар кој зборувал со очевидец.
Телевизиската снимка покажува дузина смачкани и изгорени возила, од кои некои имале во нив и тела. На патот може да се забележат два големи кратери.
Се смета дека во областа која била мета на експлозиите имало воен разузнавачки комплекс, вклучително и генерален штаб со 10 ката, а кој служел за противтерористичките операции за воената безбедност на Сирија, и кои биле вклучени во широката акција за соборување на претседателот Башар ал-Асад при тековните продемократски протести. (Би-Би–Си)
|
