Вашингтон
Мекнамара: САД може да помогнат за името
13.07.2011, 10:46
Соединетите Американски Држави (САД) и Европа можат, доколку сакаат, да притиснат да се реши спорот, вели аналитичарката од Фондацијата Херитиџ, сали Мекнамара во интервјуто за Гласот на Америка.
Според неа, НАТО и ЕУ треба да останат доследни на определбата за проширување за земјите кои ги исполниле критериумите.
Аналитичарката, чија специјалност се европски прашања, наведува дека отсекогаш постоеле билатерални прашања, дека Грција има своја поента во спорот со името, но дека е битно прашањето за името меѓу Македонија и Грција да се реши од поширок аспект.
„Веќе подолго време порачуваме дека едно билатерално прашање не треба да се наметнува на мултинационалните алијанси како овие. Чудно е и мошне опасно за обете страни“, истакнува Мекнамара.
Замолена да ја коментира изјавата на американскиот заменик-помошник државен секретар Томас Кантримен дека времето за решавање на спорот околу името е токму сега, Мекнамара порачува дека токму сега американската влада има шанса од зборови да премине на д��ла.
„Владата на Обама и Европа се најдоа во мошне чудна ситуација каде Грција - која, според мене, го создава проблемот - е исправена пред меѓународната заедница, и никогаш досега немала барања за толкава помош, финансиска и политичка. Владата на САД во случајов е во прeдност. Доколку сакаат да разговараат со Грците, да извршат притисок, да употребат дипломатија, ги имаат сите средства да го сторат тоа“, вели аналитичарката од Херитиџ.
|
