Насловна

Проект

Семафор за услугите на Пасошко

13.07.2011, 14:51

Семафор со зелено и со црвено светло ќе ве чекаат на шалтерите за издавање готови пасоши и лични карти во објектот за Управни служби на МВР во зградата на МРТВ. Со притискање на едно од копчињата, ќе можете да го оцените односот на службениците. Ова е дел од проектот „Семафор“, кој денеска беше промовиран и во Пасошко.

Министерката за внатрешни работи, Гордана Јанкулоска, нагласи дека мислењето на граѓаните е особено важно за да може во иднина да се направат соодветни корекции. Таа апелираше до околу 50.000 граѓани, за кои личните документи се одамна изработени, да дојдат и да ги подигнат за да го избегнат метежот на шалтерите.

Министерот за информатичко општество и јавна администрација, Иво Ивановски, потсети дека досега уредите „Семафор“ се инсталирани на сто шалтери во Агенцијата за катастар, Фондот за здравство и за пензиско осигурување, УЈП и МВР. Граѓаните, според него, досега имаат дадено оценка над 5.500 пати, од кои во просек над 85 проценти биле задоволни од услугата. (Г.А.)