Чеченија

Автомобил бомба во Дагестан, 4 загинати

27.01.2011, 10:14

Четири лица загинаа при експлозија на автомобил-бомба пред едно кафуле во руската кавкаска република Дагестан.

Нападот е извршен само два дена по самоубиствениот бомбашки напад на московскиот аеродром „Домодедово“, во кој беа убиени 35, а повредени повеќе од 100 луѓе.

Експлозијата се случи синоќа пред кафулето „Караван“ во градот Хасавурт. Три лица загинаа на местото на инцидентот, а седуммина повредени биле веднаш пренесени во болница. Еден од нив им подлегнал на повредите за време на операцијата.

Во Дагестан речиси секојдневно се извршуваат напади, од кои повеќето се насочени против безбедносните сили.