ТВ Пинк

Митровиќ труен со бензин, олово и арсеник

27.01.2011, 10:36

Во крвта на сопственикот на телевизијата Пинк, Жељко Митровиќ кој веќе четири недели е на лекување во Германија, пронајдени се отрови - бензин, олово и арсеник, објави телевизијата.

Тие ги повикаа полицијата и обвинителството да утврдат кој стои зад обидот за труење на Митровиќ.

„Сега на потег се полицијата и обвинителството кои треба да утврдат кој стои зад обидот за труење на сопственикот на најголемата медиумска куќа во ЈИЕ“, се додава во соопштение на ТВ Пинк.

Најновите анализи направени во Германија покажуваат дека е затруен, што беше потврдено и од лекарот кој го примил Митровиќ на лекување во болничкиот центар „Бежаниска коса“, се вели во соопштението. 

Митровиќ беше примен на лекување во крајот на декември.