(ФОТОГАЛЕРИЈА) Изгаснат пожарот на покривот на новиот театар




Нема жртви, ни повредени во огнената стихија која ја зафати покривната конструкција на театарот.

Фото: Киро Попов и Петр Стојановски

Противпожарната екипа пред малку го совлада пожарот, кој околу пладне го зафати горното десно крило на новиот театар во изградба во Скопје. Нема жртви, ни повредени во огнената стихија која ја зафати покривната конструкција на театарот.

Пожарот најверојатно е предизвикан од заварување при работа на работниците.

„Истрагата за причините за пожарот е во тек. Знаеме дека избил на дрвната потконструкција која се наоѓа над мутимедијалната сала, а врз која има и бетонска плоча. Затоа, матерајалната штета ќе биде незначителна. Поради спецификата на материјалот, чадот ќе го има уште, зашто долго чади, но огнот е изгаснат. Објектот е целосно осигуран и штетата ќе биде целосно надокнадена“, изјави Борјанка Серафимовиќ, стручен надзор на изградбата на театарот.

На местото пристигнаа премиерот Никола Груевски, министерката за култура, Елизабета Канческа Милевска и градоначалникот на Скопје, Коце Трајановски.

Надлежните изјавија дека е причинета незначителна материјална штета и дека објектот бил целосно осигуран. Изведувач на објектот е „Бетон - Штип“.