Македонија тропна на вратата од Србија

(01.11.2010г.-09:36ч.) Машката ракометна репрезентација на Македонија оствари одличен резултат на вчерашното гостување во Сараево, одигрувајќи 28-28 со домаќинот БиХ. Со овој бод, нашите ракометари се во одлична положба да освојат едно од првите две места во групата и да обезбедат пласман на Европското првенство што во 2012 година ќе се одржи во Србија.
Во другиот натпревар од групата, Унгарија ја декласира Естонија на гости со 31-19. По првите две кола, на табелата води Унгарија со 4 бода, Македонија има 3, БиХ 1, а Естонија е без бодови.
Следниот натпревар го играме против Унгарија во март следната година.