07.01.2013, 13:09 „САС“ го обвинува „Рајнер“ за измама
Нискобуџетната авиокомпанија „Рајнер“ ризикува висока парична казна, откако скандинавската „САС“ ја обвини за измама со тарифи, јави дописникот на МИА од Гетеборг.
Во ноември лани „САС“ достави формална поплака до скандинавските воздухополвни власти дека ирскиот „Рајнер“ плаќа премногу ниски такси за своите летови.
Според „САС“, „Рајнер“ пријавува во европскиот воздухополвен орган „Еуроконтрол“ премногу ниска стартна тежина на своите авиони. Пониската стартна тежина подразбира и плаќање пониски такси, со оглед на тоа што висината на таксата е базирана врз стартната тежина на авионот и бројот на километрите во воздух.
И француската компанија „Ер Франс“ го обвинува „Рајнер“ за истиот вид измама, а што произлегува од интерните документи на „Ер Франс“ до кои дошол данскиот весн��к „Берлинске бизнис“.
Германаскиот „Ди Велт“ пишува дека „Рајнер“ би можел да заработи казна од над 50 милиони евра врз основа на таков вид измама. „Рајнер“ во својот одговор на споменатите обвинувања наведува дека само ги следи одредбите на ирските органи за безбедност на воздушниот сообраќај.
|
