07.01.2013, 16:17 „Ер Франс“ со поевтини билети на редовни летови
Француската авиокомпанија „Ер Франс“ ги претставува новите тарифи за 58 кратки и средни летови, чија цел е команијата да остане конкурентна во споредба со „лоу кост“ компаниите.
Новите цени би требало да се спроведуваат од феврури годинава, откако компанијата во текот на 2011 забележа загуба од 700 милиони евра на своите летови на кратки и средни дестинации.
Патниците ќе имаат можност да избираат на одредени летови меѓу два видови на билети, класичните економски или пак минимални економични билети 20 евра поевтини. Во двата случаи е предвидена услуга со малку храна и пијалок, но затоа, пак, за втората категорија минимална економична, багажот ќе се наплаќа 15 евра.
Редовните клиенти кои ќе се определат за поевтината варијанта не ќе можат да го избираат седиштето при регистрацијата на интернет, ниту пак да ги кумулираат поените на верност на компанијата.
Новите тарифи ќе важат за летовите во Франција и во Европа со поаѓање од Орли, Марсеј, Тулуз и Ница. Конкретно тоа значи дека за 49 евра во што се вклучени и аеродромските такси ќе може да се лета за Берлин, Прага или Монтпелие. За 79 евра ќе има летови Марсеј-Маракеш или за Москва и Тел-Авив за 149 евра.
|
