07.01.2013, 13:52 Амбасадор на Хондурас сменет заради „дива забава“
Амбасадорот на Хондурас во Колумбија, Карлос Родригез, ја прифати одговорност за дивата Божиќна забава одржана во неговата амбасада на 20 декември, иако во тоа време бил на одмор и не учествувал во неа. Поради скандалот, Родригез, веднаш бил повлечен од функцијата а во тек е истрага дали се точни тврдењата дека на забавата биле поканети и две проститутки, а по неа исчезнале лаптоп компјутери и мобилни телефони од просториите.
"Јас ја презедов одговорноста како шеф на мисијата", изјави Родригез."Би сакал да му се извинам на премиерот, на граѓаните на Хондурас, а во исто време и да народот и на владата на Колумбија," изјави тој за локалните медиуми. Родригез изјави дека бил на одмор од 15 декември а за забавата дознал еден ден откако била одржана во амбасадата. Вработен во амбасадата близок на Родригез е обвинет за организирање на забавата.
Во сличен скандал лани беше вовлечена американската тајна служба, пред официјалната посета на претседателот Барак Обама на Колумбија.Тие беа испратени дома и дисциплинирани во април 2012 година, откако беа обвинети за внесување проститутки во своите хотелски соби во пресрет на Самитот на двете Америки во градот Картагена.
|
