07.01.2013, 14:17 Шлиренцауер најдобар на Новогодишната турнеја
Австриецот триумфира на последната станица во Бишофсхофен и го симна од врвот Норвежанецот Јакобсен
Австриецот Грегор Шлиренцауер ја заддржа титулата од новогодишната турнеја 4 Скокалници во неделата откако триумфираше на последната "станица" во Бишофсхофен со скокови од 133 и 137.5 метри. Популарниот Шлири со победата на 61. издание на новогодишната серија ја продолжи низата на австриски триумфи на пет, а исто така доби совршен подарок за својот 23. роденден, кој го прослави во понеделникот.
Норвежанецот Андерс Јакобсен го освои второто место, а трет беше Австриецот Штефан Краф. Јакобсен, кој победи на првите две рунди во Оберздорф и Гармиш-Партенкирхен на кр��јот е втор во пласманот на „Четири скокалници со 1087.2 поени, зад 1.100.2 на Шлиренцауер, а трет беше уште еден Норвежанец, Том Хилде со 1029.2 поени.
Во трилер завршница, петкратниот светски шампион повторно покажа дека има челични нерви. По првата рунда, тој беше изедначен со најблискиот ривал Јакобсен, кој го предизвика со скок од 139 метри во втората серија. Шлиренцауер, предводен од илјадниците домашни фанови на крајот скокна 137.5 метри за своја 45. победа од Светскиот куп.
"Ова беше фантастично натпреварување на 4 Скокалници и да се биде на врвот на крајот е нешто што тешко се објаснува. Уживам тука. Клучот на успехот беше во тоа што се фокусирав на моите скокови, а не на тоа како скокаат моите ривали. Не знаев колку далеку Андерс скокна, но знаев дека е далеку. Но под највисок притисок се прават најубавите дијаманти", изјави Шлиренцауер.
|
