Коце пак ќе трча за Скопје

Најголемо изненадување меѓу десете кандидати за градоначалници од ВМРО-ДПМНЕ е Јагнула Куновска која е предлог за Карпош

Од ВМРО-ДПМНЕ денеска сооштија дека се утврдени имињата на десет кандидати за градоначалници од редовите партијата.

Во сооштението се наведува дека ВМРО-ДПМНЕ и на овие избори излегува со решенија за кои смета дека се најдобриот избор за развојот на општините и за граѓаните.

Од партијата наведуваат дека при селекцијата на кандидатите за градоначалници биле земени предвид повеќе вредносни критериуми, од кои посебно значаен бил квалитетот на понудените програми.

- Во програмите беа понудени проекти кои се во интерес на граѓаните на соодветите општини и нудат проспесперитет за сите. Програмите во себе содржеа предлози со кои ќе се унапреди комуналниот, но и стопанскиот и економски развој, што од друга страна директно ќе биде во корист на стандардот и квалитетот на живеење на граѓаните. Сметаме дека овие кандидати уживаат авторитет во нивните општини, пред се поради нивната претходна работа и придонесот кој што го имаат давано за изградбата и развојот на општините во кои живеат и работат, наведуваат од ВМРО-ДПМНЕ.

На седницата на ИК на ВМРО-ДПМНЕ било одлучено како кандидати за престојните локални избори на Централниот Комитет да му ги предложат:  за Скопје - досегашниот градоначалник Коце Трајановски, за општина Петровец кандидат е актуелниот градоначалник Борче Митревски, а во Илинден останува  Жика Стојановски, како и во Прилеп и Битола каде повторно ќе излезат досегашните градоначалници Марјан Ристески и Владимир Талевски.

Во Охрид кандидат за градоначалник на ВМРО-ДОМНЕ ќе биде Никола Бакрачевски, за Куманово е Зоран Ѓорѓиевски, а за Струмица и Ново Село предлози се пратеникот Васил Пишев и Блажо Велков.

Најголемо изненадување меѓу наведените кандидати е Јагнула Куновска која е кандидат за Карпош.