12.03.2012, 11:40 Расмусен: Шок поради убиството на цивили во Авганистан
Генералниот секретар на НАТО Андерс Фог Расмусен изјави дека е шокиран поради смртта на 16 цивили во авганистанската провинција Кандахар и побара темелна истрага.
- Сакам да изразам шокираност и тага поради инцидентот во Кандахар во кој според извештаите загинаа неколку луѓе, меѓу кои жени и деца, истакна Расмусен.
Тој ја даде својата изјава откако американски војник во составот на НАТО без повод уби 16 авганистански цивили, од кои девет деца.
Расмусен им изрази сочувство на семејствата на жртвите и на авганистанскиот народ и се заложи за темелна истрага со цел одговорните да бидат казнети.
- Остануваме цврсто посветени на мисијата со цел заедно со нашите авганистански партнери да изградиме силен и стабилен Авганистан, нагласи генералниот секретар на НАТО.
|
