Што прават денеска

Кире Галевски

фотограф

Само што се вратив од Охрид каде што имав неколку средби и фотосесии со гостите на „Охридско лето“. Во Скопје сум поради закажаната целодневна фотосесија со прекрасните гудачи од квартетот „Equilibrium“, со кој веќе подолго време соработувам. Прв дел - мала сцена во МОБ, а потоа на нова локација во Кисела Вода. Вечерта е резервирана за Димитриј и за Срна. Ќе гледаме по некое филмче и ќе правиме планови за повторно враќање во Охрид.

Ани Малинкова

пејачка

Заедно со семејството уживам на летен одмор во Грција, поконкретно на третиот крак, Атос. Денот ни минува релексирано - во забава со децата, бањање, сончање, јадење гиро, шетање... Вечерва очекувам добра забава во една од најатрактивните дискотеки „Бора бора“.

Слободан Новески

„Винер осигурување“

Станувам рано и заминувам на работното место каде што сум до 16,30 часот. Потоа одам на кафе со пријателите некаде на улица „Македонија“, по што следува мал одмор и кратка приквечерна прошетка на кејот на Вардар или возење велосипед. Вечерта е резервирана за добар филм пред спиење.