Кличко ги обедини титулите во тешка категорија
03.07.2011, 13:22
Владимир Кличко по синоќешната победа над Дејвид Хеј во Хамбург пред 45.000 гледачи, ги обедини титулите во тешка категорија во верзиите ВБА, ВБО, ИБФ, ИБО и Ринг.
Мечот траеше 12 рунди, а Кличко го совлада Британецот Хеј на поени.
Со овој триумф, Кличко од Хеј го презеде појасот во ВБА верзијата, каде досега Британецот беше носител, а преостанатите појаси ги одбрани.
Украинецот Владимир Кличко беше подобар во текот на целата борба, па затоа тројцата бодовни судии победата му ја доделија нему – 117:109; 118:108 и 116:110. Во 59 мечеви Владимир Кличко има 56 победи, 49 со нокаут и 3 порази.
|
