Влатко Илиевски
Промоција пред настап на „Сунчане скале“
Влатко Илиевски во четвртокот вечерта во ТЦ „Соравија“ ги промовираше спотовите за своите две нови песни „Моја тамна ријеко“ и „Странец во твојот свет“.
Со темата „Моја тамна ријеко“ Илиевски ќе настапи на главната вечер „Песна на летото“ на фестивалот „Сунчане скале“, кој ќе се одржи на 4 и на 5 јули во Херцег Нови.
Песната авторски ја потпишуваат Григор Копров - музика, Фајо - текст и Кристијан Габроски - аранжман. Спотот за песната „Странец во твојот свет“ беше снимен минатиот викенд во студиото „Рокенрол“.
Во оваа видеоприказна Влатко се појавува сам и е во улога на пејач, гитарист, басист и тапанар, а за секоја сцена има различна гардероба и фризура.
Се работи за брза песна, со светски модерни звуци и ефекти, песна во која освен рок-призвукот, се вклучени хаус-елементи. Композицијата авторски ја потпишуваат Јован Јованов – музика и аранжман, а Весна Малинова - текст. |
