03.10.2011, 09:35 Барселона нов лидер во шпанската Примера
Со победата од 1:0 на гостувањето во Хихон кај Спортинг фудбалерите на Барселона го искористија киксот на Бетис и избија на првото место на табелата. Стрелец на единствениот гол беше Адријано во 12. минута.
Бетис по серијата од четири победи „врза“ два пораза и ја загуби првата позиција. На последниот натпревар во рамките на 7.коло Бетис загуби од Леванте со 1:0.
Реал Мадрид стигна на делба на третата позиција, високо совладувајќи го Еспањол на негов терен со 4:0. Троен стрелец за „кралскиот клуб“ беше Игуаин, а уште еден погодок додаде Калехон.
На другите натпревари беа постигнати следниве резултати: Реал Сосиедад – Атлетико Билбао 1:2, Атлетико Мадрид – Севиља 0:0, Еспањол – Реал Мадрид 0:4, Осасуна – Мајорка 2:2, Виљареал – Сарагоса 2:2, Сантандер – Рајо ваљекано 1:1, Валенсија – Гранада 1:0 и Малага – Хетафе 3:2.
Табела: Барселона 14 бодови, Леванте 14, Реал Мадрид 13, Малага 13, Валенсија 13, Севиља 12, Бетис 12...
|
