Судење
Братот на Велија тврди дека не е виновен
12.07.2011, 12:37
Второобвинетиот од случајот пајажина, братот на сопственикот на А1 телевизија Велија Рамковски, Амди, во својот исказ пред судскиот совет, тврди дека не е виновен за делата за кои се товари во обвинението, злосторничко здружување, перење пари и даночно затајување.
Наводите во обвинителниот акт ги смета за произволни, недокажани и невистинити и истите ги отфрла. Амди Рамковски во својата одбрана тврди дека не дел на никакво злосторничко здружување и дека со никој од обвинетите не заговарал или договарал било какво криминално поведение.
Тој бил совесен стопанственик и никогаш немал намера да избегне плаќање на било какви давачки кон државата. Сите банкарски трансакции, Амди Рамковски тврди дека биле извршени во овластени банки и со одобрување од Народната банка, за кои постоеле документи.
Со оглед на тоа што Рамковски немал доволно време да го види целокупниот доказен материјал, поради неговата обемност, тој рече дека обвинението ќе го коментира кога судот ќе ја ги изведува ��оказната постапка.
На крајот од своето излагање, тој уште еднаш нагласи дека е невин и побара мерката притвор да му биде заменета со домашен притвор, со оглед на неговата здравствена состојба.
.
|
