Трансфер
Санчез во Барса за 40 милиони евра
12.07.2011, 14:03
Шпанскиот весник AS тврди дека синоќа Удинезе и Барселона постигнале договор за преоѓање на Алексис Санчез во каталонскиот клуб за сума од 40 милиони евра
Како што тврди шпанскиот медиум, Санчез е веќе нов играч на Барселона, откако челниците на европскиот шампион постигнале договор со Џино Поцо, синот на претседателот на фудбалскиот клуб Удинезе.
Сумата за која Санчез ќе се пресели во Шпанија, се претпоставува дека изнесува 40 милиони евра плус бонуси. Санчез моментално учествува на Копа Америка со репрезентацијата на Чиле и официјално ќе биде презентиран во Барселона по завршувањето на натпреварувањето.
Алексис Санчез во Удинезе пристигна во 2006 година за само два милиони евра. Тој го сврте вниманието на големите европски клубови уште минатото лето по одличните настапи за Чиле на Светското првенство, но досега Удинезе ги одбиваше понудите на Интер, Челзи, Манчестер Сити и Манчестер Јунајтед.
|
