Почина таткото на „цедевита“

Мартин Станковиќ, човекот што ја измисли популарната „цедевита“, брендот кој одбележа цела една епоха почина на 80 години. Магистерот по фармација, кој во минатиот век ја измисли напивката која стана еден од најпродаваните и најпрепознатливи марки на просторите на поранешна Југославија, си замина во тишина, баш како што живееше.

„Да измислев на Запад сличен производ, веројатно ќе се закитев со добар менаџерски договор и сигурно мудро ќе ме експлоатираа маркетиншки. Вака живеам анонимно и од пензија која изнесува 550 евра“, изјави Станковиќ во своето последно интервју дадено за хрватските медиуми.